İdman.biz
Azərbaycanda ilk dəfə tam məsafəyə marafon qaçış yarışı keçiriləcək.
İdman.biz xəbər verir ki, "Prezident Kuboku" Gənclər və İdman Nazirliyi, Azərbaycan Atletika Federasiyası və "Zəfər Qaçış Klubu"nun birgə təşkilatçılığı ilə keçiriləcək.
Yarış dekabrın 21-22-də ölkəmizdə 2024-cü ilin "İdman Paytaxtı" olan Qubada baş tutacaq. Təşkilatçılıqla bağlı keçirilən iclasda AAF-ın baş katibi Məhərrəm Sultanzadə qaçış marşrutunun şəhərin mərkəzi küçələrindən keçməsinin sakinlərə və şəhərin qonaqlarına gərgin idman mübarizəsinin şahidi olmaq imkanı yaradacağını və bununla bu növə olan marağın daha da artacağına inandığını bildirib.
"Zəfər Qaçış Klubu"nun direktoru Elşən Quliyev qaçış məsafəsinin 42 km 195 metr olacağını və müstəqilliyimiz bərpa edildikdən sonra Azərbaycanda ilk dəfə keçiriləcək tam məsafəyə marafon yarışı olacağını qeyd edib.
Toplantıda həmçinin AAF-ın beynəlxalq əlaqələr və inkişaf şöbəsinin müdiri Kənan Məhərrəmov, qaçış komitəsinin sədri Namiq Əsədov və digər iştirakçılar yarışın təşkili ilə bağlı məsələləri müzakirə ediblər.
İdman.biz
