İdman.biz
Ümummilli Lider Heydər Əliyevin xatirəsinə həsr olunan qadın həndbolçular arasında beynəlxalq turnir davam edir.
İdman.biz xəbər verir ki, Azərbaycan Həndbol Federasiyasının təşkil etdiyi yarışda II turun matçları keçirilib.
A qrupunda "Azəryol" Qazaxıstan klubu "Astana" ilə qarşılaşıb. Bir gün əvvəl "Kür"ə də qalib gələn qonaqlar ardıcıl ikinci qələbə ilə yarımfinala adlayıb. Qrup ikincisi kimi mərhələ keçəcək komandanın adına "Azəryol"la "Kür"ün sabahkı duelində aydınlıq gələcək.
B qrupunda "Alatau Arulary" (Qazaxıstan) ilk oyununa çıxıb. Onlar Özbəkistan millisinə məğlub olub. İlk turda "Qarabağ"a uduzan sonuncular ilk qələbə ilə təmsilçimizə çatıb. Bu nəticələrdən sonra yarımfinalçıların taleyi son tura qalıb.
29 avqust
A qrupu
"Azəryol" - "Astana" (Qazaxıstan) – 32:34 (18:16)
B qrupu
"Alatau Arulary" (Qazaxıstan) – Özbəkistan millisi – 22:23 (10:13)
Qeyd edək ki, qrup mərhələsinə sabah yekun vurulacaq.
İdman.biz
