İdman.biz
Ümummilli Lider Heydər Əliyevin xatirəsinə həsr olunan qadın həndbolçular arasında beynəlxalq turnir davam edir.
İdman.biz xəbər verir ki, Azərbaycan Həndbol Federasiyasının təşkil etdiyi yarışda III turun matçları keçirilir.
B qrupunda mübarizə aparan "Qarabağ" ardıcıl ikinci qələbəsini qazanıb. Təmsilçimiz "Alatau Arulary" (Qazaxıstan) klubunu məğlub edib. "Qarabağ" yarımfinala iki qələbə ilə qrup birincisi kimi yüksəlib. İkinci yeri isə Özbəkistan millisi tutub.
A qrupunda "Azəryol" və "Kür" ikinci yer üçün mübarizə aparacaq. Bu matçda qalib komanda yarımfinalda "Qarabağ"la görüşəcək. Qazaxıstan klubu "Astana" isə iki qələbə ilə birinci olub.
30 avqust
B qrupu
"Qarabağ" (Azərbaycan) – "Alatau Arulary" (Qazaxıstan) - 35:31
A qrupu
"Kür" (Azərbaycan) – "Azəryol" (Azərbaycan)
Qeyd edək ki, yarımfinal oyunları sabah keçiriləcək.
İdman.biz
