Idman.biz
Polşa parlamenti (Seym) "GTA 6"nın buraxılışının təxirə salınmasını müzakirə edib.
İdman.Biz bu barədə "GamesRadar"a istinadən xəbər verir.
Məşhur videooyun barədə məsələni Azadlıq və İstiqlal Konfederasiyası koalisiyasından olan parlament üzvü Vitold Tumanoviç qaldırıb.
Siyasətçi bildirib ki, "Rockstar" layihəsinin təxirə salınması ilə bağlı vəziyyət çox narahatedicidir. Millət vəkili həmçinin qeyd edib ki, bu xəbərdən sonra insanlar "GTA 6"nın buraxılış tarixindəki dəyişikliyə etiraz olaraq küçələrə çıxa bilərlər.
"Xanım spiker, hörmətli üzvlər, parlament bəyanatımın bir hissəsi olaraq sizə çox narahatedici bir vəziyyət barədə məlumat vermək istəyirəm: "Rockstar" "Games GTA 6"nın buraxılışının gələn ilə qədər təxirə salınacağını elan edib. Bu, böyük bir qalmaqaldır. Açığı, bundan sonra insanlar küçələrə çıxmasalar, nə baş verəcəyini bilmirəm", - o, deyib.
Tumanoviçin Hüquq və Ədalət partiyasından olan rəqibi Pavel Şrot, millət vəkili ilə "GTA 6"nın təxirə salınmasının vacib məsələ olduğu barədə razılaşıb. Siyasətçi bu cür açıqlamalara hörmətlə yanaşdığını bildirib.
"Grand Theft Auto 6" oyununun əvvəlcə 2025-ci ilin sonuna qədər buraxılması planlaşdırılırdı. Oyunun buraxılışı daha sonra 2026-cı ilin may ayına, daha sonra isə 19 noyabr 2026-cı ilə təxirə salındı. Tərtibatçılar gecikmənin zəruri olduğunu və döyüş oyununu təkmilləşdirmək üçün əlavə vaxta ehtiyac duyduqlarını bildirdilər.
