Lent.az
Fransa millisinin keçmiş yarımmüdafiəçisi Pol Poqba karyerasını harada davam etdirəcəyinə qərar verib.
Poqbanın dopinq qadağası başa çatıb və futbol oynamaqda sərbəstdir.
Lent.az xarici KİV-ə istinadla bildirir ki, mənbənin məlumatına görə, Poqba Lionel Messi və Luis Suaresin yer aldığı MLS klubu "İnter Mayami"yə keçəcək. Fransız futbolçu ilə danışıqlar inkişaf mərhələsindədir.
32 yaşlı yarımmüdafiəçinin son klubu futbolçunun ötən ilin oktyabrında müqaviləsini pozduğu Turin "Yuventus"u olub.
Daha əvvəl bildirilmişdi ki, Poqba yalnız aparıcı Avropa çempionatlarından təklifləri nəzərdən keçirir. "Marsel" onun müqavilə imzalayacağı əsas namizədlərdən biri kimi göstərilirdi.
Xatırladaq ki, 2023-cü ilin sentyabrında ANSA agentliyi A Seriyasının ilk turunun "Udineze" ilə oyunundan sonra Poqbanın dopinq testinin testosteron üçün müsbət çıxdığını bildirmişdi. B nümunəsi də müsbət olub. 2024-cü ilin fevralında futbolçu dörd il müddətinə futboldan uzaqlaşdırılıb. Daha sonra İdman Arbitraj Məhkəməsi (CAS) diskvalifikasiya müddətini 18 aya endirib.
