Idman.biz
3 aprel tarixində Peşəkar Çövkən Liqasının üçüncü turunun oyunları keçiriləcək.
İdman.Biz xəbər verir ki, turun mərkəzi qarşılaşmasında ilk iki oyunda qələbə qazanan "Embawood" ilə çempionluğa iddialı "Sərhədçi" üz-üzə gələcək.
Görüş saat 13:00-da başlayacaq.
Günün ilk matçında isə saat 12:00-da "Şamaxı" və Buta Golden komandaları qarşılaşacaq.
Turun qalan oyunları şənbə günü keçiriləcək. Saat 12:00-da Zəfər ilə Xəzər münasibətlərinə aydınlıq gətirəcək. Ardınca Ömər - Polad və Elit - Atilla oyunları baş tutacaq.
İki turdan sonra Polad, Sərhədçi, Elit və Embawood maksimum nəticə ilə turnir cədvəlinə başçılıq edirlər.
Bombardirlər siyahısına səkkiz qolla Şəfayət Budaqov liderlik edir. Vahid Məmmədov 6, İbrahim Rzalı isə 5 qolla fərqlənib.
Qeyd edək ki, oyunlar Binə Atçılıq Mərkəzində keçiriləcək.
