Pedro Roke Alfonso Dominqesin çıxışını dəyərləndirib: “Buna görə qızıl qazana bilmədik”

"Paris-2024 Yay Olimpiya Oyunları tarixin ən çətini idi".

İdman.biz xəbər verir ki, bunu kişi boksçulardan ibarət Azərbaycan millisinin baş məşqçisi Pedro Roke deyib.

Təcrübəli kubalı mütəxəssis yığmamızın Paris-2024 Yay Olimpiya Oyunlarındakı şanslarını dəyərləndirib. O bildirib ki, dünya çempionatında 13 çəkidə mübarizə aparan boksçular dördilliyin ən möhtəşəm yarışında cəmi 7 çəkidə rinqə çıxıblar: "Bu səbəbdən bəzi idmançılar çəkilərini ya aşağı salmaq, ya da qaldırmaq məcburiyyətində idi. Olimpiya mükafatçımız Alfonso Dominqes tsikldə 86 kq-da mübarizə apardı. Paris-2024 ərəfəsində isə o 92 kq-da döyüşməyə başladı və lisenziya qazanaraq yarışa yollandı. Onun Olimpiadadakı çıxışına gəlincə, finalda güclü Özbəkistan boksçusuna qarşı vuruşdu. Hansı ki, o öz çəkisini aşağı salmışdı. Bu çəkidə isə Bahodir Jalolov kimi idmançıları olduğu kimi bu addım atılmışdı. Alfonso isə rinqə cəmi 88 kq çıxmışdı. Güclü boksçuların döyüşündə çəki də həlledici olur. Mən bəhanə gətirmirəm və ya demirəm ki, buna görə qızıl qazana bilmədik. Rəqib olduqca güclü idi və çempionluğa layiq idi. Biz gümüş medal qazandıq".

Roke bildirib ki, Olimpiadada rəhbərliyi altında ikinci dəfə Azərbaycan boksçusunu finala yüksəldiyi üçün xoşbəxtdir: "Alfonso Tokio Olimpiadasında bürünc medal qazanmışdı. Düşünürəm ki, Los-Ancelsdə bunu qızıla dəyişəcək".

Qeyd edək ki, Rio-2016-da Lorenso Sotomayor da finala kimi irəliləyib və yarışı gümüş medalla bitirib. Boksçumuz Alfonso Dominqes də Paris-2024-də eyni uğuru təkrarlayıb.

Banuçiçək Hüseynli
İdman.biz