İdman.biz
Azərbaycan millisi Paris-2024 Yay Olimpiya Oyunlarını 7 medalla başa vurub.
İdman.biz xəbər verir ki, idmançılarımz 2 qızıl, 2 gümüş və 3 bürünc əldə edib.
Cüdoçular Hidayət Heydərovla (73 kq) Zelim Kotsoyev (100 kq) qızıl, taekvondoçu Qaşım Maqomedovla (58 kq) boksçu Alfonso Dominqes (92 kq) gümüş, yunan-Roma güləşçisi Həsrət Cəfərov (67 kq) və sərbəst güləşçilər Giorgi Meşvildişvili (125 kq) ilə Maqomedxan Maqomedov (97 kq) bürünc medal qazanıb.
Bu, Azərbaycan yığmasının Olimpiadalar tarixində ikinci nəticəsidir. Yalnız London-2012-də daha yüksək nəticələr əldə olunub.
Böyük Britaniya paytaxtında da indiki kimi 2 qızıl və 2 gümüş qazanılıb. Lakin 12 il əvvəl bürünc mükafatların sayı çox olub.
Qeyd edək ki, millimiz tarixində 8-ci Olimpiya Oyunlarına qatılıb.
| İl | Qızıl | Gümüş | Bürünc | Cəmi |
| Atlanta-1996 | 0 | 1 | 0 | 1 |
| Sidney-2000 | 2 | 0 | 1 | 3 |
| Afina-2004 | 1 | 0 | 4 | 5 |
| Pekin-2008 | 1 | 1 | 4 | 6 |
| London-2012 | 2 | 2 | 5 | 9 |
| Rio-2016 | 1 | 7 | 10 | 18 |
| Tokio-2020 | 0 | 3 | 4 | 7 |
| Paris-2024 | 2 | 2 | 3 | 7 |
| Cəmi | 9 | 16 | 31 | 56 |
İdman.biz
