İdman.biz
Paris-2024 Yay Olimpiya Oyunları davam edir.
İdman.biz xəbər verir ki, bu gün güləş yarışlarının son iştirakçıları mübarizəyə qoşulublar.
Azərbaycan millisinin iki sərbəst güləşçisi ilk qarşılaşmasına çıxır. Hacı Əliyevlə Maqomedxan Maqomedov medal görüşlərinə vəsiqə üçün mübarizə aparırlar.
Sərbəst güləş
65 kq
Hacı Əliyev yarışa 1/8 finaldan başlayacaq. Olimpiadaların gümüş və bürünc mükafatçısının ilk rəqibi Meksika təmsilçisi Ostin Qomes olacaq.
97 kq
Maqomedxan Maqomedov da 1/4 finala vəsiqə üçün mübarizə aparıb. Dominikan Respublikası idmançısı Luis Migel Pereslə üz-üzə gələn güləşçimiz rəqibinə heç bir şans verməyib və 9:0 hesabı ilə qələbə qazanıb.
Qeyd edək ki, sərbəst güləş millimiz Paris-2024-ə altı güləşçi ilə yollanıb. Əliabbas Rzazadə (57 kq), Turan Bayramov (74 kq) və Osman Nurmaqomedov (86 kq) yarışı medalsız başa vurub, Giorgi Meşvildişvili (125 kq) 3-cü yer uğrunda görüşə çıxacaq.
İdman.biz
