İdman.biz
Paris-2024 Yay Olimpiya Oyunları davam edir.
İdman.biz xəbər verir ki, bu gün yunan-Roma güləşində son iki çəkidə mübarizə başlayacaq.
Azərbaycan yığmasının iki "klassik"i xalçaya çıxacaq. Həsrət Cəfərov və Rafiq Hüseynov medal qarşılaşmalarına vəsiqə üçün mübarizə aparacaq. Güləşçilərin yarışına Bakı vaxtı ilə saat 13:30-da start veriləcək.
Yunan-Roma güləşi
67 kq
Həsrət Cəfərov Olimpiadaya 1/8 finaldan başlayacaq. Dünya çempionatlarının gümüş və bürünc mükafatçısının ilk rəqibi Mohamed Elsayed (Misir) olacaq.
87 kq
Rafiq Hüseynov da yarışa 1/8 finaldan start verəcək. Tokio-2020-nin bürünc mükafatçısı David Loşontsi (Macarıstan) ilə qarşılaşacaq.
Qeyd edək ki, yunan-Roma güləşi millimiz Parisə 5 idmançı ilə yollanıb. Murad Məmmədovla (60 kq) Sabah Şəriəti (130 kq) yarışı medalsız başa vurub, Sənan Süleymanov (77 kq) isə bürünc uğrunda qarşılaşmaya çıxacaq.
İdman.biz
