İdman.biz
Paris-2024 Yay Olimpiya Oyunları davam edir.
İdman.biz xəbər verir ki, bu gün güləş yarışlarının son iştirakçıları mübarizəyə qoşulacaqlar.
Azərbaycan millisinin iki sərbəst güləşçisi ilk qarşılaşmasına çıxacaq. Hacı Əliyevlə Maqomedxan Maqomedov medal görüşlərinə vəsiqə üçün mübarizə aparacaqlar.
Sərbəst güləş
65 kq
Hacı Əliyev yarışa 1/8 finaldan başlayacaq. Olimpiadaların gümüş və bürünc mükafatçısının ilk rəqibi Meksika təmsilçisi Ostin Qomes olacaq.
97 kq
Maqomedxan Maqomedov da 1/4 finala vəsiqə üçün mübarizə aparacaq. O, Dominikan Respublikası təmsilçisi Luis Migel Pereslə görüşəcək.
Qeyd edək ki, sərbəst güləş millimiz Paris-2024-ə altı güləşçi ilə yollanıb. Əliabbas Rzazadə (57 kq), Turan Bayramov (74 kq) və Osman Nurmaqomedov (86 kq) yarışı medalsız başa vurub, Giorgi Meşvildişvili (125 kq) 3-cü yer uğrunda görüşə çıxacaq.
İdman.biz
