İdman.biz
Paris-2024 Yay Olimpiya Oyunları davam edir.
İdman.biz xəbər verir ki, bədii gimnastika yarışlarının ikinci günündə qrup hərəkətləri üzrə komandalar mübarizəyə başlayacaq.
Zeynəb Hümmətova, Ləman Əlimuradova, Darya Sorokina, Güllü Ağalarzadə və Yelizaveta Luzandan ibarət Azərbaycan millisi də start anını gözləyir. Komandamız Bakı vaxtı ilə saat 12:00-da başlayacaq təsnifat mərhələsinin ilk hərəkətində halqalarla çıxış edəcək. 13:16-da isə komandalar 3 lent və 2 topla bacarığını göstərəcəklər.
Qeyd edək ki, təsnifat mərhələsində 14 yığma mübarizə aparacaq. İki hərəkətin cəmində ən yaxşı nəticəyə malik 8 komanda sabah keçiriləcək final raunduna yüksələcək.
İdman.biz
