Sport24.az
Paris-2024 Yay Paralimpiya Oyunları davam edir. Sport24.az xəbər verir ki, yarışın ikinci günündə Azərbaycan millisinin daha bir parataekvondoçusu mübarizəyə qoşulub.
İmaməddin Xəlilov Paralimpiadaya 1/4 finaldan başlayıb. Miçel Ernesto Uolkerlə (Kuba) üz-üzə gələn təmsilçimiz 12:2 hesabı ilə qələbə qazanıb. Xəlilov yarımfinalda özbəkistanlı Cavoxir Alikulovla qarşılaşıb. İmaməddin rəqibi 7:2 hesabı ilə məğlub edib. O, finalda türkiyəli Fatih Çeliklə qarşılaşıb. Xəlilov 15:2 hesabı ilə qalib gələrək, Paralimpiya çempionu olub.
Qeyd edək ki, Paralimpiadanın ilk günündə parataekvondoçumuz Sabir Zeynalov (58 kq, K44) bürünc medal qazanıb.
