Sport24.az
Paris-2024 Yay Paralimpiya Oyunlarında mübarizə davam edir. Sport24.az xəbər verir ki, bu gün daha iki təmsilçimiz mötəbər turnirdə qüvvəsini sınayacaq.
T12 kateqoriyasında yer alan Səid Nəcəfzadə uzunluğa tullanma növündə çıxış edəcək. Yarışa Bakı vaxtı ilə 12:00-da start veriləcək.
Ardınca paraüzgüçü Raman Saley bütün rəqiblərini qabaqlamağa çalışacaq. Saley, 50 metr məsafəyə sərbəst üsulla üzməkdə bacarığını göstərəcək. Təsnifat mərhələsi saat 12:45-də başlayacaq. O, ötən gün 100 metr məsafəyə arxasıüstə üzməkdə gümüş mükafatçı adına sahib çıxıb. Daha əvvəl isə Azərbaycan parataekvondoçusu İmaməddin Xəlilov (70 kq) qızıl, Sabir Zeynalov (58 kq) bürünc medalçı olublar.
