İdman.biz
"Qaşıma görə üzülürəm, amma bu, Olimpiya finalı idi".
İdman.biz xəbər verir ki, bunu cənubi koreyalı taekvondoçu Park Tae-Jun (58 kq) deyib.
Paris-2024 Yay Olimpiya Oyunlarının çempionu 58 kq çəkidə keçirilən final görüşünü xatırlayıb. O, Azərbaycan idmançısı Qaşım Maqomedovun zədələnməsindən sonrakı davranışına aydınlıq gətirib: "Azərbaycandan olan rəqibimin döyüş tərzi hücum və gücə üstünlük verilməsindən ibarətdir. Epizodların birində baldırlarının toqquşmasından sonra Maqomedov dayanqın üzərinə yıxıldı. "Bağışla" dedim və Qaşım "problem yoxdur, bu idmandır" cavabını verdi. Ona görə üzgünəm. Amma bütün diqqətim döyüşə yönəlmişdi".
Qeyd edək ki, ikinci raundda Park özünü son dərəcə qeyri-idman apararaq yıxılan Maqomedovun kürəyindən ayaq zərbəsi endirib.
İdman.biz
