İdman.biz
Fiqurlu konkisürmə üzrə "Çelencer" seriyalı "Metropol Trofi" turnirinə yekun vurulub.
İdman.biz xəbər verir ki, yarışın son günündə buz üzərində rəqslərdə mükafatçılar bəlli olub.
İki gün əvvəl ritmik rəqslə çıxış edən 19 duetdən 18-i sərbəst proqramla mübarizəni davam etdirib. Fransanın Nitsa şəhərində keçirilən beynəlxalq turnirdə Azərbaycan təmsil edən iki cüt də buz üzərinə çıxıb.
Ritmik rəqsdə 50,04 xalla 15-ci olan Samanta Ritter və Daniel Brikalov dueti bu dəfə 11-ci olub – 84,33. Cütlük yekunda topladığı 134,37 xalla turniri 11-ci pillədə başa vurub.
Maksin Uiterbi və Aleksandr Kolosovski 67,96 xalla 18-ci olub. Ritmik rəqsdə 44,72 xalla 19-cu yeri tutan duet yekunda 112,68 xalla 18-ci pillədə qərarlaşıb.
Qeyd edək ki, birinci yeri Allison Rid və Saulius Ambruleviçyus ibarət Litva dueti tutub.
İdman.biz
