İdman.biz
Azərbaycanlı döyüşçü Nazim Sadıqovun UFC-də növbəti rəqibi bilinib.
İdman.biz xəbər verir ki, o, braziliyalı İsmael Bonfimlə üz-üzə gələcək.
Döyüş gələn il fevralın 15-də Las-Veqas ştatının Nevada əyalətində keçiriləcək.
İsmael yerli döyüşsevərlərə tanış rəqibdir. O, UFC-yə aparan yolda - "Dana White's Contender Series"də Azərbaycan təmsilçisi Nəriman Abbasovu məğlub edib. Nazim rəqibinə qalib gələcəyi halda, revanş da almış olacaq.
Qeyud edək ki, bu, Sadıqovun UFC-də 4-cü döyüşü olacaq. O, səkkizguşəli rinqdə 2 qələbə, 1 heç-heçə ilə yadda qalıb. Rəqibi isə bu təşkilatda keçirdiyi 3 döyüşün 2-də qələbə qazanıbsa, 1 halda məğlub olub.
İdman.biz
