İdman.biz
Noyabrın 19-da MOK-un vitse-prezidenti Çingiz Hüseynzadə ölkəmizdə səfərdə olan İslam Həmrəyliyi İdman Assosiasiyasının nümayəndə heyətini qəbul edib.
İdman.biz xəbər verir ki, görüşdə İslam Həmrəyliyi İdman Assosiasiyasının baş katibi Nasser Ayman Mayali, strategiya və proqramlar direktoru Mazen Diab, həmçinin millət vəkili, MOK-un İcraiyyə Komitəsinin üzvü və İSSF-nin "Qadın və İdmanda Gender Bərabərliyi" komitəsinin rəhbəri Könül Nurullayeva iştirak ediblər.
MOK-un vitse-prezidenti Çingiz Hüseynzadə ölkəmizdə idmanın inkişafı və IV İslam Həmrəyliyi Oyunlarının uğurla keçirilməsi barədə qonaqlara məlumat verib.
Baş katib Nasser Ayman Mayali, səmimi qəbula görə təşəkkür edərək, 2025-ci ildə Riyadda keçiriləcək VI İslam Həmrəyliyi Oyunlarına hazırlıqlarla bağlı müzakirələr aparıb və yarışların uğurla təşkil olunacağına inandığını bildirib.
Görüş zamanı İslam Həmrəyliyi İdman Assosiasiyası ilə əməkdaşlıq perspektivləri, gələcək layihələr və qarşılıqlı əlaqələr müzakirə edilib.
İdman.biz
