Qol.az
"Milan"ın texniki direktoru Cefri Monkada komandadan ayrılacağı haqda məlumatlar yayılan baş məşqçi Serxio Konseysao haqda danışıb.
QOL.az "FootMercato"ya istinadən xəbər verir ki, o, mütəxəssisin işindən razı olduqlarını deyib:
"Hər gün Zlatan İbrahimoviçlə birlikdə klub üzərində işləyirik. Konseysaonun məşqçilər heyəti ilə gündəlik əlaqə saxlayırıq.
Hamımız bir yerdəyik. Bizim üçün heç bir problem yoxdur. Biz Serxiodan və onun işindən razıyıq. Əməkdaşlığı davam etdirmək üçün iki kubok kifayətdirmi? İki kubok qazanmaq çox vacib olardı. Çünki İtaliya kubokunu qazanmağımızdan uzun müddət keçib".
Qeyd edək ki, sonuncu dəfə "Milan" İtaliya kubokunu 2003-cü ildə qazanıb. A seriyası təmsilçisi 2 gün əvvəl isə ölkə kubokunun yarımfinalında "İnter"i məğlub edib və finala adlayıb. Buna baxmayaraq, klubun Konseysao ilə yolları ayıracağı haqda xəbərlər yayılıb.
