İdman.biz
İqtisadiyyat naziri, Azərbaycan Güləş Federasiyasının prezidenti Mikayıl Cabbarov Paris-2024 Yay Olimpiya Oyunlarında medal qazanmış Həsrət Cəfərovu təbrik edib.
"Report" xəbər verir ki, federasiya rəhbəri bu barədə sosial şəbəkədə paylaşım edib.
Mikayıl Cabbarov olimpiadada Azərbaycan güləş yığmasının ilk medal qazanmasını qeyd edib: "Bu gün Olimpiya Oyunlarında güləşdə ilk medalımızı qazandıq. Yunan-Roma güləşçimiz Həsrət Cəfərov (67 kq) böyük əzmkarlıq göstərərək Paris2024-də bürünc medal əldə etdi. İdmançımızı, onun valideynlərini və məşqçilərimizi təbrik edirik. Digər güləşçilərimizə də bizə qələbə sevinci bəxş etmələrini arzulayırıq".
Qeyd edək ki, Azərbaycanın yunan-Roma güləşçisi Həsrət Cəfərov qırğızıstanlı rəqibi Amantur İsmayılov məğlub edib.
İdman.biz
