Sport24.az
Argentina millisinin və Mayami "İnter"inin hücumçusu Lionel Messi İbizadakı evinə boya tökən ətraf mühit fəallarından 50 min avro tələb edir. Sport24.az xəbər verir ki, bu barədə "El Español" məlumat yayıb.
Mənbənin sözlərinə görə, belə bir aksiyanın keçirilməsinə görə məsuliyyəti öz üzərinə götürən təşkilat 50 min avro məbləğində dəyən zərəri qeyri-mütənasib hesab edir. İddia ərizəsində futbolçunun vəkili qrupa əmlaka zərər vurmaqda günahlandırıb. Ətraf mühit təşkilatının mətbuat katibi Bilbo Bassaterra, "evi yenidən rəngləməli olsaq belə, işin dəyəri 50 min avro olmayacaq" deyib.
Məqsədi "iqlim böhranı zamanı zənginlərin məsuliyyəti"nə diqqət çəkmək olan sözügedən etiraz aksiyası avqustun 6-da baş tutub. İki gün sonra orada iştirak edən üç fəal həbs edilib.
