Sport24.az
PSJ klubu keçmiş oyunçusu, hazırda "Real"da çıxış edən Kilian Mbappe ilə ödəniş mübahisəsinə görə 2024/2025 mövsümü üçün Çempionlar Liqasından kənarlaşdırıla bilər. Sport24.az xəbər verir ki, bu barədə "Le Monde" nəşri paylaşım edib.
Mbappe Fransa Futbol Federasiyası vasitəsilə Fransa Liqası və UEFA-nın hüquq komissiyasına müraciət edərək, Paris klubundan köhnə müqaviləyə əsasən 55 milyon avro təzminat ödəməsini tələb edib. Fransa Liqasının bu məsələyə qarışması PSJ üçün fəlakətə səbəb ola bilər. Çünki təşkilat kluba transfer qadağası tətbiq etmək, həmçinin UEFA lisenziyasını ləğv etmək səlahiyyətinə malikdir. Bu, Çempionlar Liqasından dərhal kənarlaşdırılma ilə nəticələnə bilər.
UEFA yarışlarında iştirak edən hər hansı bir klub lisenziyalaşdırma mövsümündən əvvəlki 28 fevral tarixindəndən gec olmayaraq işçilərinə ödənilməmiş əmək haqqının olmaması barədə sübut təqdim etməlidir.
PSJ UEFA-nın klub lisenziyası və maliyyə dayanıqlığı ilə bağlı qaydalarına əməl etmədiyi üçün 2024/2025 mövsümü üçün qurumun lisenziyasını itirə bilər.
