İdman.biz
"Tamam başqa nəticələrə köklənmişdik".
İdman.biz xəbər verir ki, bunu sərbəst güləş üzrə Azərbaycan yığmasının üzvü Maqomedxan Maqomedov deyib.
97 kq çəki dərəcəsində bürünc qazanan idmançımız medalən əyarından razı qalmayıb: "Parisə qızıl medal qazanmaq üçün gəlmişdim. Təəssüf ki, burada alınmadı. Bürüncdən o qədər də razı deyiləm. Həmişə yüksək hədəflər uğrunda mübarizə aparan güləşçiyəm. Hər zaman Azərbaycan xalqını sevindirməyə çalışmışam. Nəticələrimizdən razı deyilik, çünki hədəflərimiz tamamilə başqa idi".
Qeyd edək ki, sərbəst güləşçilərimiz Paris-2024 Yay Olimpiya Oyunlarında 2 medal qazanıblar. Dünən Giorgi Meşvildişvili (125 kq) də bürünclə kifayətlənib.
İdman.biz
