Report.az
Kişi voleybolçular arasında Azərbaycan Yüksək Liqasının qalibləri mükafatlandırılıb.
"Report"un məlumatına görə, "Murov Az Terminal" və "Azərreyl" komandaları arasında keçirilmiş ikinci final oyunundan sonra medallar təqdim edilib.
Mükafatlandırma mərasimində Avropa Voleybol Konfederasiyasının prezidenti Roko Sikiriç, Azərbaycan Voleybol Federasiyasının prezidenti Şahin Bağırov, vitse-prezident Faiq Qarayev, Milli Olimpiya Komitəsinin baş katibi Azər Əliyev və digər rəsmilər iştirak ediblər.
Qeyd edək ki, "Azərreyl" qızıl, "Murov Az Terminal" gümüş, "Xilasedici" bürünc mükafat qazanıb.
