Lent.az
Kesarin Çayçalermpol həyatını tamamilə dəyişib. 39 yaşlı keçmiş böyüklər kino ulduzu fitneslə məşğul olur və artıq idmanda iki qızıl medal qazanıb.
Lent.az-ın xarici mediaya istinadla xəbərinə görə, tailandlı idmançı avqustun 25-də Filippinin Manila şəhərində bikini kateqoriyasında iki qızıl medal qazanaraq ümumi komandanın qalibi olub. Yarış Beynəlxalq Bodibildinq və Fitnes Federasiyasının IFBB bayrağı altında keçirilib.
"Mən əldə etdiklərimlə fəxr edirəm. Bu, heç vaxt mümkün olduğunu düşünmədiyim bir şeydir. Keçmişdə etdiyim heç bir işdən peşman deyiləm.
Bu, mənim bir parçamdır və onu dəyişdirə bilmirəm. Hər gün mənim üçün yeni çağırışdır.
Mənim üçün ən vacibi odur ki, hətta tailandlıların da dünyada nəyəsə nail ola biləcəyini göstərdim", o, deyib.
Çayçalermpol həyatında boksla da məşğul olub, mahnı oxuyub və bir müddət gecə klubunda promouter kimi fəaliyyət göstərib.
2004-cü ildə o, böyüklər üçün filmlərin qanunla qadağan olunduğu vətəni Tailandda həbs olunub. Onun videoları qara bazarda satılıb və o, şərti cəza alıb.
