İdman.biz
Noyabr 16-17-də Türkiyənin Çanaqqala şəhərində 15 ölkədən 1100-ə yaxın idmançının iştirakı ilə karate üzrə beynəlxalq turnir keçirilib.
İdman.biz xəbər verir ki, yarışda Azərbaycan karateçiləri də mübarizə aparıblar.
Azərbaycan Karate Federasiyasının mətbuat xidmətindən verilən məlumata görə, bir idmançımız fəxri kürsüdə yer alıb. Təmsilçilərimizdən Nəsimi Musayev (68 kq) gənclər arasında (16-17 yaş) yalnız finalda məğlub olaraq gümüş medala sahib olub. Qəhrəman Rzaquliyev (35 kq) isə uşaqlar arasında (10-11 yaş) 5-ci yeri tutub.
Qeyd edək ki, karateçilərimiz yarışda əməkdar məşqçi Seymur Xudaverdiyevin rəhbərliyi ilə yollanıblar.
İdman.biz
