İdman.biz
Rusiyanın Oryol şəhərində karate üzrə "Karat cup" beynəlxalq turnir keçirilib.
İdman.biz xəbər verir ki, yarışda ölkəmizi Azərbaycan Karate Federasiyasının "Jaguar İdman Klubu"nun yeniyetmə karateçiləri təmsil edib.
Təmsilçilərimizdən Şamo Kamilov (+70 kq) gümüş, Sultan Səlimov (52 kq), Bəhman Orucov (57 kq) və Murad Dinç (70 kq) bürünc medal layiq görülüblər.
Komanda kumite yarışlarında Şamo Kamilov, Murad Dinç, Bəhman Orucov və Sultan Səlimov bütün rəqiblərini qabaqlayaraq qızıl medallara yiyələnib.
Qeyd edək ki, beynəlxalq turnirdə 5 ölkədən - Rusiya, Azərbaycan, Belarus, Qazaxıstan və Ermənistandan 500-ə yaxın karateçi mübarizə aparıb.
İdman.biz
