İdman.biz
"İdman Paytaxtı" Quba şəhərində Avropa İdman Həftəsinin ("Be active") ikinci gününə 8 rayondan 200-ə yaxın iştirakçı qoşulub.
İdman.biz xəbər verir ki, 3x3 basketbol yarışlarında oğlanlar arasında "Abşeron" komandası birinci olub.
"Qusar" yarışı ikinci, "Şabran" isə üçüncü yerdə tamamlayıblar.
Qızlar arasında "Abşeron" komandası fəxri kürsünün ən yüksək pilləsinə yüksəlib. "Qusar" və "Sumqayıt" komandaları müvafiq olaraq ikinci və üçüncü yerlərə layiq görülüblər.
"Kids atletica" üzrə keçirilən yarışlarda uzunluğa tullanma növündə "Abşeron", "Şabran" və "Qusar" komandaları fərqləniblər. Çarpazvari tullanmada "Xaçmaz" komandası ən yüksək nəticə göstərib. "Abşeron" və "Qusar" komandaları növbəti pillələrdə yer alıblar.
Top atmada "Xaçmaz" təmsilçiləri bütün rəqiblərini geridə qoyub. "Şabran" komandası ikinci, "Qusar" komandası üçüncü yerə layiq görülüblər. Nizəatma yarışlarında "Şabran", "Xaçmaz" və "Xızı" komandaları ilk üçlükdə qərarlaşıblar.
Estafet yarışında "Abşeron" komandası birinci olub. "Şabran" və "Quba" müvafiq olaraq ikinci və üçüncü yerdə qərarlaşıblar.
İdman.biz
