İdman.biz
Sentyabrın 12-13-də idman dırmanması (boulderinq) üzrə yeniyetmə və gənclər arasında açıq respublika turniri keçiriləcək.
İdman.biz xəbər verir ki, bu barədə Azərbaycan Alpinizm Federasiyası (AAF) məlumat yayıb.
8-16 (2008 – 2016) yaş qrupları arasında ALP Dırmanma Mərkəzində baş tutacaq yarışın məkanı, avadanlıq və ləvazimatlara dair tələblər müvafiq qaydalara əsasən tənzimlənəcək.
Qızlar və oğlanlar arasında təsnifat və final mərhələləri 4 marşrutdan ibarət olacaq. Yarış şəxsi birincilik formatında təşkil olunur. Təsnifat mərhələsinin hər bir marşrutu üçün ayrılan vaxt 5 dəqiqə, final mərhələsi marşrutu üçün isə 4 dəqiqə təşkil edir. Final mərhələsində 6 nəfər iştirak hüququ qazanır.
İdman.biz
