İdman.biz
Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.bizin təqdim etdiyi "İdman bürcü" müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, "İdman bürcü"nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
Qoçların həftənin ilk yarısında asudə vaxtları çox olacaq. İstirahətə daha çox vaxt ayırmalısınız. Ən yaxşısı evdə və ya özünüzü sakit və mümkün qədər rahat hiss etdiyiniz yerdə olmağınız daha münasibdir. Ailə üzvlərinizlə ahəngdar münasibətlər saxlamaq çox vacibdir, bunun üçün eqoizm nümayiş etdirməkdən çəkinməlisiniz. Həftənin ikinci yarısı daha gərgin keçəcək. Stressdən qaçmaq və özünüzə mənfi fikirlər aşılamamaq çox vacibdir. Şəxsi həyatınızda ciddi bir rəqiblə qarşılaşacağınız mütləqdir. Bu baxımdan mövqeyinizi əvvəlcədən gücləndirməlisiniz. Futbol, cüdo, güləş, üzgüçülük və karate ilə məşğul olan idmançıların bəxti üzlərinə güləcək.
Buğa
Bu həftənin ilk yarısı Buğalara şəxsi həyatlarında daha çox aktivlik gətirəcək. Yeni romantik tanışlıqlar və eşq macəraları olduqca mümkündür. Əyləncəyə meyl də artacaq. Lakin siz göstərilən səmimi və eqoist münasibətləri ayrıd etməyiniz çox vacibdir. Çünki onların sizdən faydalanmağa cəhd göstərmələri mümkündür. Həftənin ikinci yarısında sağlamlığınız daha diqqət tələb edəcək. Çox ciddi xəstəliklərin başlanğıcı mümkündür. Partnyorunuzla münasibətlərinizdə nöqsanlardan, sirr verməkdən və illüziya yaratmaqdan çəkinməyə çalışın. Həndbol, voleybol, stolüstü tennis, hokkey və basketbol növlərində hədsiz uğurlar gözlənilir.
Əkizlər
Həftə ərzində Əkizlərin təlaş və tələskənlikdən yayınması çox vacibdir. Hərəkətlərinizi əvvəlcədən hazırlanmış plana uyğun etmək daha yaxşıdır. Kortəbiiliyə meyl etməməlisiniz. Bu məsləhətə əməl etsəniz, o zaman boş vaxtlarınızda əlavə pul qazanmaq imkanınız olacaq. Həftənin birinci yarısında iş və ev işlərini vaxtında yerinə yetirə bilsəniz, o zaman daha əlverişli imkanlar açılacaq. Həftənin ikinci yarısında pulunuz kifayət qədər çox olsa belə, daha ağıllı idarə etməyə çalışın. Həddindən artıq israfçılıq heç bir şəraitdə yolverilməzdir. Şəxsi münasibətlərdə partnyorunuzun şıltaqlıqları ilə barışın, onlara kəskin reaksiya verməməlisiniz. Güləş, həndbol, voleybol, basketbol, futzal, və atıcılıq idman növlərində uğurlar vəd olunur.
Xərçəng
Həftənin ilk yarısı başqaları ilə ünsiyyət yaratmaq üçün çox əlverişlidir. İşgüzar tərəfdaşlarla, eləcə də həyat yoldaşınızla ünsiyyət xüsusilə yaxşı ola bilər. Onunla konstruktiv dialoq qura bilərsiniz. Bu günlərdə keçmişdə olan hər şeyi xatırlamaq tövsiyə edilmir, gələcəyə baxmağa və yeni perspektivlər görməyə çalışın. Maddi baxımdan həftənin ikinci yarısı daha az əlverişli olacaq. Kreditlərin və digər borcların ödənilməsi ilə bağlı suallar sizi narahat edə bilər. Elm sahəsində çətinlikləriniz görünür. Tədris və yaxud təcrübələr aparmaq üçün münasib həftə deyil. Qılıncoynatma, güləş, avarçəkmə, atıcılıq, qaçış və velosiped idmanında nailiyyətlər qaçılmazdır.
Şir
Həftənin birinci yarısı miras və ya daşınmaz əmlakın alınması ilə bağlı məsələlərin həlli üçün əlverişli olacaq. Həmçinin, daşınmaz əmlakla bağlı mübahisələri, çəkişmələri məhkəmə yolu ilə uğurla həll edə bilərsiniz. Mərc oyunlarına olan həvəsiniz artacaq, lakin məsləhət görülmür. Heç lotereya oyunlarına da meyllənməyiniz məsləhət deyil. Həftənin ikinci yarısında karyera yüksəlişi ilə bağlı həddindən artıq tez-tez fikirlər sizə rahatlıq verməyəcək. Şəxsi rahatlıq və ya biznesdə daha yüksək səviyyədə uğur, peşəkarlıq və şöhrət - nəyin daha vacib olduğuna qərar verməlisiniz. Həftənin sonunda səfərlər planlaşdırmaq məsləhət görülmür. Üzgüçülük, karate, güləş, boks və şahmat idman növlərində bol-bol uğurlar vəd edilir.
Qız
Bu həftənin ilk yarısında Qızları yaradıcı fəaliyyətdə uğurlar müşayiət edəcək. Bu müddət ərzində yarışlarda iştirak edə və yüksək mükafat qazana biləcəksiniz. İdman sahəsində xüsusilə şansınız gətirəcək. İşdə şansınız bir qədər az olacaq, ona görə daha diqqətli olmağa çalışın. Sevmədiyiniz işlə məşğul olmamağınız məsləhətdir. Həftənin ikinci yarısında dostlarla münaqişələr mümkündür. Sizə elə gələ bilər ki, dostlarınızın dairəsi çox genişlənib və hamı ilə ünsiyyət qurmaq üçün sadəcə vaxt yoxdur. Bu cür düşüncələr dostlarınızla münasibətlərinizə əngəl ola bilər. Həm iş, həm də ailədə aktiv olmağa çalışın. Cüdo, stolüstü tennis, gimnastika, karate və güləşlə məşğul olanları şəxsi həyatları ilə bağlı xoş müjdələr gözləyir.
Tərəzi
Həftənin ilk yarısı iş üçün əlverişli dövr olacaq. Daha yüksək maaşlı və ya daha layiqli iş tapmaq şansınız artacaq. Həmkarlarınız və rəhbərliklə münasibətlər yaxşılaşa bilər, karyeranızda yüksəliş imkanları artır. Həftənin ikinci yarısında dostlarla münasibətlərdə müəyyən çətinliklər yarana bilər. Onlar qısqanclıqla bağlı ola bilər. Yaradıcı kollektivlərdə də ziddiyyətlər görünür, ortaq məxrəcə gəlmək daha çətin olacaq. Xroniki xəstəliklərin şiddətlənmə riski artır, sağlamlığınızın qayğısına qalmağa daha çox diqqət yetirilməlidir. Avarçəkmə, sambo, gimnastika və güləş növləri ilə məşğul olanların xoş müjdələr alacağı qaçılmazdır.
Əqrəb
Həftənin ilk yarısında yaxşı dostlar qazanacağınıza əmin olun. Onlar sizin yeni müttəfiqləriniz və silahdaşınız ola bilər. Lakin dostlarınız və yüksək dərəcədə etibar etdiyiniz insanlarla birlikdə riskli qrup layihələrində iştirak etmək arzuolunmazdır. Eyni zamanda, bu günlərdə ictimai təşkilatlarla əlaqə saxlaya və onlardan dəstək ala bilərsiniz. Həftənin ikinci yarısı gözləntilərinizlə bağlı az əlverişlidir. Mənfi hallar birbaşa sizin səhvləriniz və ya günahınız üzündən baş verə bilər. Odur ki, şəxsi münasibətlərdə, davranışda həddindən artıq vulqarlıqdan qaçın. Həftənin ikinci yarısında səhhətiniz pisləşə, işdə isə az da olsa, uğursuzluqla üzləşə bilərsiniz. Karate, basketbol, güləş, futzal və minifutbol idman növlərində uğurlar qazanmaq şansı böyükdür.
Oxatan
Həftənin ilk yarısı sizin üçün son dərəcə vacib olan cəsarətli və qətiyyətli hərəkətlər üçün mükəmməldir. Bu cür hərəkətlər başqaları tərəfindən diqqətdən kənarda qala bilər. Lakin siz bununla öz qabiliyyətinizə inamı hiss etdirməyə imkan tapacaqsınız. Həftənin ilk yarısı pis vərdişlərlə mübarizə üçün əlverişli olacaq. Həftənin ikinci yarısında isə riskli maliyyə əməliyyatlarından çəkinin. Xərc, alış-veriş və ya gəlirlə bağlı gözləntiləriniz bu müddət ərzində qarşılanmaya bilər. Həddindən artıq eqoizmdən qaçmaq vacibdir. Üzgüçülük, atçılıq, voleybol, otüstü hokkey və qaçış növlərində uğurlar gözləniləndir.
Oğlaq
Həftənin ilk yarısı Oğlaqlar üçün öyrənmək və öz üfüqlərini genişləndirmək üçün əlverişli olacaq. Bu müddət ərzində siz müxtəlif tədqiqatlar və təcrübələri uğurla həyata keçirə biləcəksiniz. Elmi fəaliyyətlərdə uğur qazana bilərsiniz. Ancaq karyera qurmaq və ya nüfuzunuzu yüksəltmək vaxtı hələ çatmayıb. Həftənin ikinci yarısında pulla bağlı daha diqqətli olun. Oğurluq və ya maddi itki riski artır. Bu günlər investisiya etmək üçün yaxşı vaxt deyil. Səfərlər də həftənin ikinci yarısına planlaşdırılmamalıdır, uğurlu olma şansı indi o qədər də yüksək deyil. Güləş, atletika, avarçəkmə, atıcılıq, çövkən və cüdo növləri ilə məşğul olanlar üçün şanslı həftədir.
Dolça
Həftənin ilk yarısında Dolçalar dostlar və həmfikirlərininin köməyinə deyil, yalnız özlərinə güvənməlidirlər. Bu yanaşma çox düzgün olacaq və səylərinizə qənaət etməyə kömək edəcək. Qarşınızda yeni imkanlar açıla bilər. Bir az səy göstərməklə daha yüksək səviyyəyə çata bilərsiniz. Həftənin ikinci yarısında qısa səfərlərə çıxmaq və ya təhsillə bağlı məsələləri həll etməyə çalışmaq məsləhət görülmür. Həftə boyu evdə çox iş görmək, qohumlarla münasibət qurmaq və işdə də bir o qədər səy göstərmək müsbət məqamlara gətirib çıxaracaq. Boks, futbol, cüdo, stolüstü tennis və şahmatla məşğul olanlar üçün uğurlar qaçılmazdır.
Balıqlar
Bu həftənin ilk yarısında dostlarınızla ünsiyyət və yeni planlar qurmaq üçün əlverişli olacaq. Artıq bir çox yeni məlumatlar da öyrənə bilərsiniz. Ancaq bu müddət ərzində heç bir mənbəyə etibar edilməməlidir. Dezinformasiya və aldatma ehtimalını istisna etmək olmaz və bu, tamamilə gözlənilmədən baş verə bilər. Həftənin ikinci yarısı sizin üçün daha stresli olacaq. Dostlarınızla bu və ya digər səbəbdən şəxsi və romantik münasibətlərinizdə çətinliklərlə üzləşə bilərsiniz. İdman oyunları zamanı, xüsusən komanda yarışlarında iştirak edərkən daha diqqətli olun. Ailənizə daha çox diqqət yetirməlisiniz, baxmayaraq ki, işiniz daha çox vaxt və səy tələb edə bilər. Cüdo, sambo, tennis, basketbol həndbol və voleybolçular üçün yaxşı başlanğıc olacaq.
İdman.biz
