İdman.biz
Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.bizin təqdim etdiyi "İdman bürcü" müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, "İdman bürcü"nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
Həftənin əvvəlində Qoçlar peşəkar uğur qazanacaqlar. Nəhayət ki, mürəkkəb problemləri həll edə biləcəksiniz. Bu, gələcək haqqında düşünməyinizə də imkan verəcək. Həftə sonu qeyri-adi səfər planlaşdırmaq və ya gözəl təbiətə malik yerlərə gəzintiyə çıxmaq tövsiyə edilir. Bu, özünüzü bərpa etməyə kömək edəcək. Güləş, cüdo, çövkən, atletika, avarçəkmə və atıcılıq növləri ilə məşğul olanlar üçün şanslı həftədir.
Buğa
Bu həftə Buğalar son dərəcə təmkinli olmalıdırlar. Sürətinizi azaltmalısınız. Hər şeydən əvvəl, komandanın ümumi işinə əhəmiyyətli nəticələr gətirəcək addımlar atın. Həftənin ikinci yarısında ailənizə xüsusi diqqət yetirməlisiniz. Bu zaman istəklərinizə qovuşa bilərsiniz. Onların buna həqiqətən ehtiyacı var. Maliyyə baxımından ürəkaçan məqamlar olacaq. Futbol, üzgüçülük, cüdo, güləş və karate ilə məşğul olan idmançıların bəxti üzlərinə güləcək.
Əkizlər
Həftəboyu Əkizlər planlarını həyata keçirmək üçün tələsməməlidirlər. Ən vacib məsələləri uzun müddətə təxirə salmalısınız. Sevgidə uğurlar görünür, bunun üçün əlverişli məqamdır. Bununla belə, diqqətli olun: məqsədlərinizə çatmaq üçün tələskən, vacib bir şeyi əldən verməməyə çalışın. Çətin vəziyyətdə dostlarınıza dəstək olun, ailənizə kömək edin. Atçılıq, qaçış, üzgüçülük, otüstü hokkey, voleybol və güləş növlərində uğurlar gözləniləndir.
Xərçəng
Həftənin bu günlərində Xərçənglərin bəxti gətirəcək. İş məsələlərində uğurlar və ola bilsin ki, maddi mükafatlar sizi gözləyir. Balansı saxlamaq üçün pulun kiçik bir hissəsini xeyriyyəçilik üçün bağışlaya bilərsiniz. Ailədə də hər şey yaxşıya doğru gedəcək. Köhnə şikayətlər sizi narahat edirsə, diqqəti özünüzə yönəltməyə çalışın. Həftə sonunu kitab oxumaq, filmə baxmaq və idmanla mə.ğul olmağa üstünlük verin. Karate, basketbol, güləş, minifutbol və futzal idman növlərində uğurlar qazanmaq şansı böyükdür.
Şir
Digər bürclərdən fərqli olaraq, Şirlərin həftə ərzində istirahətə vaxtı olmayacaq. Həftənin əvvəlində işdə anlaşılmazlıqlar yaşayacaqsınız. Ancaq təmkinliliyiniz sayəsində istər həmkarlarınızla, eləcə də evdə münaqişə vəziyyətlərindən asanlıqla çıxacaqsınız. Həftənin ikinci yarısında bəxtiniz gətirəcək. Yaxşı olar ki, vaxt itirmədən vacib layihəniz üçünHərəkətə keçəsiniz. Gimnastika, güləş, stolüstü tennis, cüdo və karate ilə məşğul olanları şəxsi həyatları ilə bağlı xoş müjdələr gözləyir.
Qız
Bu həftə də Qızların həyatında kəskin dəyişikliklər baş verəcək. Həftənin ilk yarısında gücünüzü itirdiyinizi hiss edəcəksiniz. Lakin sonrakı günlərdə əksinə, hər şey sizin xeyrinizə olacaq. Tövsiyə edilir ki, bu müddət ərzində işdə və şəxsi həyatınızda bir qədər fasilə verib, həqiqətən nə istədiyinizi düşünəsiniz. Bu zaman hansı qərarı versəniz, hər şey düzələcək. İnanın ki, istəklərinizə mane olacaq heç bir qüvvəilə qarşılaşmayacaqsınız. Cüdo, basketbol, tennis, sambo, həndbol və voleybolçular üçün yaxşı başlanğıc olacaq.
Tərəzi
Həftənin ilk günləri Tərəzilər son dərəcə təmkinli olmalıdırlar. Çünki bu günlərdə kəskin dəyişikliklərlə qarşılanmaq ehtimalı böyükdür. Bu dövrdə çox həssas emasiyalara qatıla bilərsiniz. Özününzü yalnız müsbətə doğru yükləyin. Bu zaman müsbət enerjinizin qayıdışını hiss edəcəksiniz. Tələskənliyi yol verməməlisiniz. Düşünülmüş və diqqətlə qərarlar verin. Yeni mərhələyə hazır olduğunuza əminsinizsə, yaxınlarınız sizə dəstək olacaq. Üzgüçülük, şahmat, karate və güləş idman növlərində bol-bol uğurlar vəd edilir.
Əqrəb
Həftə Əqrəblər üçün heç də asan olmayacaq: stresli vəziyyətlər mümkündür. Üzləşəyəcəyiniz problemlərin həllində ünsiyyət mühim rol oynayacaq. Həftənin ortaları yaradıcılıqla məşğul olun. Həftənin sonunda alacağınız mükafat qarşılaşdığını çətinliklərin həllində yardımçı olacaq. Dostlarınızın sizi gözlənilməz xəbərlərlə təəccübləndirəcəyi də gözləniləndir. Avarçəkmə, gimnastika, sambo və güləş növləri ilə məşğul olanların xoş müjdələr alacağı qaçılmazdır.
Oxatan
Bu həftə Oxatanları böyük dəyişikliklər gözləyir. Gündəlik işlərinizi yenidən nəzərdən keçirmək və ev işlərinə üstünlük verməyiniz qaşılmazdır. Həftənin ikinci yarısında iş otağınızı təmizləyin və lazımsız şeylərdən xilas olun. Son dərəcə ağılla hərəkət etməlisiniz. Həftəsonu xoş müjdə alacaqsınız. Sağlamlığınıza diqqət yetirin. Boks, futbol, şahmat, stolüstü tennis və cüdo ilə məşğul olanlar üçün uğurlar qaçılmazdır.
Oğlaq
Bu həftə Oğlaqlara sakit bir həftə vəd edir. Bu dövrdə istəklərinizə diqqət yetirin və hələ reallaşmamış arzuları xatırlayın. Dostlar və ailə bu işdə sizə kömək edəcək. Buna görə də özünüz və başqaları üçün faydalı bir iş görmək anını qaçırmayın. Bacardığınız qədər kollektivdən kənarda qalmayın. Səbrlə bir sıra işlərinizin ğhdəsindən gələcəksiniz. Stolüstü tennis, həndbol, basketbol, voleybol və hokkey növlərində hədsiz uğurlar gözlənilir.
Dolça
Həftə ərzində Dolçalar peşəkar sahədə yaradıcılıq nümayiş etdirə biləcəklər. Sakit şəkildə istənilən mübahisəni həll edə və vaxtında taleyüklü qərar verə bilərsiniz. Ancaq diqqətli olun: uğurun eyforiyası sizi alt-üst edə bilər. Yaxınlarınızın diqqətə ehtiyacı olduğunu hiss etməyəcəksiniz. Həftə sonu bu balansı bərpa etməyə çalışın və ailənizlə faydalı tədbir təşkil edin. Bu günlərdə maliyyə durumunuzun artacağı da ehtimal edilir. Velosiped, qaçış, qılıncoynatma, güləş, avarçəkmə və atıcılıq idmanında nailiyyətlər qaçılmazdır.
Balıqlar
Həftə ərzində Balıqlara iş məsələlərinə aktiv şəkildə başlamaq tövsiyə edilir. Çalışın, bu günlərdə xırda şeylərdən qaçasınız. Belə etsəniz, müsbətə doğru gözlənilməz nəticələrlə qarşılaşacaqsınız. Həftə sonu yaxınlaşdıqca qurduğunuz planlar bəhrəsini verəcək. Ailə məsələlərini də tarazlaşdırmağa çalışın. Səhhətinizlə bağlı qeyri-müəyyənlik görünmür. Basketbol, voleybol, həndbol, güləş, futzal və atıcılıq idman növlərində uğurlar vəd olunur.
İdman.biz
