İdman.biz
Əksər insanlar astroloji proqnozların onların taleyinə sirayət etdikləri qənaətindədir. Tarixən ən məşhurlar belə mənsub olduqları bürcə görə günə necə başlayacağını tənzimləyiblər. Bütün sahələrdə olduğu kimi, bürclər idmançılar arasında da böyük maraq doğurur. Astroloqların təbirincə desək, bürclər bəzi ipuçları verir, nəticə çıxarmaq isə sizdən asılıdır.
İdman.bizin təqdim etdiyi "İdman bürcü" müxtəlif idman növlərilə məşğul olan sağlam ruh sahiblərinin həftə ərzində necə hərəkət etmələrində bir növ mayak rolunu oynayacaq. Eyni zamanda, peşəkar idmançı olmasanız belə, "İdman bürcü"nü oxumaqla istirahətə və ya məşqə necə yanaşmağın istiqamətlərini görə biləcəksiniz.
Qoç
Həftə Qoçlar üçün gərgin ola bilər. Həftənin ilk yarısı səhhətinizlə bağlı problemlər görünür. Həftənin ikinci yarısı pul çatışmazlığı ilə üzləşəcəyiniz vəd edilir. Bütün bunlara baxmayaraq, təmkimli davranmalısınız. Ən əsası, pis vərdişlərdən, xüsusilə, mərc oyunlarından kənarda durmalısınız. Fiziki hazırlığınıza diqqət etməli, gündəlik həyatınızda nizam-intizama riayət etməlisiniz. İstirahətinizə vaxt ayırmağınız mütləqdir. Gimnastika, güləş, stolüstü tennis, cüdo və karate ilə məşğul olanları şəxsi həyatları ilə bağlı xoş müjdələr gözləyir.
Buğa
Həftə ərzində Buğalar üçün lazım olan yeganə şey, tərəfdaş seçimində daha diqqətli olmaqdır. Sevginizi axtarmağa davam etmək vacibdir. Lakin bu işdə yalnız ağlınıza güvənməlisiniz. İşlə bağlı uğurlar əldə edəcəksiniz. Xüsusilə, bu, ünsiyyətlə əlaqəli sahələrdə özünü daha yaxşı göstərəcək. İşgüzar səfərlərin uğurlu keçəcəyi vəd olunur. Vəziyyəti dəyişməkdən qorxmayın. Səhhətinizə ciddi fikir verin. Stolüstü tennis, həndbol, basketbol, voleybol və hokkey növlərində hədsiz uğurlar gözlənilir.
Əkizlər
Bu həftə Əkizlər faydalı iş görməlidir. Həftənin ilk günlərində artıq şeyləri atmaq, ümumi təmizlik etmək vacibdir. Bütün bunlar əhvalınıza və bəxtinizə böyük təsir edəcək. Həftənin ikinci yarısında enerjinizdə bir qədər zəifləmə gözlənilir. Lakin bu, uğurlarınıza mənfi təsir göstərməyəcək. Həftəsonu sevgi sahəsində mükəmməl vaxtdır. Basketbol, voleybol, həndbol, güləş, futzal və atıcılıq idman növlərində uğurlar vəd olunur.
Xərçəng
Bu həftə Xərçənglərə konfliktlərə girmək, xüsusən də işdə mübahisə etmək mütləq şəkildə olmaz. Yaxınlarınızın tənqidlərinə sakit cavab vermək tövsiyə olunur. Onların münasibətinə dəyər verin. Çünki həmin insanlardan sizə yalnız kömək gələcək. Ailə və yaxınlarınıza daha çox diqqət yetirməlisiniz. Ümumiyyətlə, ziyanlı insanlardan bacardığınız qədər ehtiyatlı olun. Boks, futbol, şahmat, stolüstü tennis və cüdo ilə məşğul olanlar üçün uğurlar qaçılmazdır.
Şir
Həftəboyu uğur Şirlərin yanında olacaq. Lakin sağlamlığınıza, həyat tərzinizə bir qədər fikir verilməlisiniz. Eyni zamanda rejimə riayət etməli və maşın sürərkən son dərəcə diqqətli olmalısınız. Astroloqlar həm də havaya uyğun geyinməyi və işə həddən artıq yüklənərək sağlamlığınızı riskə atmamağı məsləhət görürlər. Həmçinin, pis vərdişlərdən mütləq qaydada uzaq olmağınız məsləhətdir. Güləş, cüdo, çövkən, atletika, avarçəkmə və atıcılıq növləri ilə məşğul olanlar üçün şanslı həftədir.
Qız
Qızlar gələcək planları, hədəfləri və ambisiyaları barədə qətiyyən heç kimə danışmamalıdırlar. Bu halda həftə ərzində ən xoşbəxt insanlardan birinə çevriləcəksiniz. Bahalı alış-verişdən qaçmaq lazım deyil. İşdə size böyük uğurlar gözləyir. Bununla yanaşı, biznes sahəsində də şanslarınız böyükdür. Tənbəllik və süründürməçilikdən yayınmağa çalışın. Unutmayın ki, bu hallar uğurun ən pis düşmənləridir. Velosiped, qaçış, qılıncoynatma, güləş, avarçəkmə və atıcılıq idmanında nailiyyətlər qaçılmazdır.
Tərəzi
Həftə Tərəzilər üçün sevgi sferasında mükəmməl qaydada olacaq. Bürcün tənha nümayəndələri maraqlı bir insanla qarşılaşacaqlar. Astroloqlar artıq münasibətdə olan hər kəsin digər yarısı ilə mümkün qədər çox vaxt keçirməsini tövsiyə edir. Birlikdə səfərlərə çıxa və evdə keçirə bilərsiniz. Heç bir sahədə məhdudiyyət görünmür - bütün qapılar Tərəzi üçün açıqdır. Sambo, güləş, avarçəkmə və gymnast növləri ilə məşğul olanların xoş müjdələr alacağı qaçılmazdır.
Əqrəb
Bu həftə Əqrəblər işlə bağlı bir qədər problem yaşayacaqlar. Həftənin ilk günləri üzərinizə ağır bir yük düşəcək. Şərşənbə günü vəziyətiniz əhəmiyyətli dərəcədə ağırlaşacaq. Lakin bu, əhvalınıza o qədər də təsir etməyəcək. Təmkinli davransanız, işin öhdəsindən asanlıqla gələcəksiniz. Nəzərdə tutulan planları təxirə salmamaq tövsiyə edilir. Maliyyə baxımından bəxtiniz gətirəcək. Şahmat, karate, üzgüçülük və güləş idman növlərində bol-bol uğurlar vəd edilir.
Oxatan
Həftə Oxatan üçün qənaətbəxş görünür. Sevdiyiniz şəxs tərəfindən müsbət cavab alacaqsınız. Həftəboyu uğurlar size izləyəcək, yetər ki, tələskənliyə yol verməyəsiniz. Mənəvi cəhətdən özünüzü müsbətə yükləməyini işlərinizin axarında getməsinə şərait yaradacaq. Fiziki hazırlığınız da mütləq qaydada diqqət edin. Boş vaxtlarda istirahət etməyiniz məsləhətdir. Karate, basketbol, güləş, minifutbol və futzal idman növlərində uğurlar qazanmaq şansı böyükdür.
Oğlaq
Həftə Oğlaqları yeni tanışlıq baxımından müjdələyir. Sevgi sahəsində yeni namizədlər vəd edilir. Sizdən tələb olunan şey, son dərəcə düşünülmüş addımlar atmağınızdır. Maddi durumunuzda elə də irəliləyiş görünmür, lakin buna görə ruhdan düşməyə dəəyməz. Çalışın ümsiyyət qurduğunuz insanı aldatmayasınız, əks halda, onun əzabını çəkəcəksiniz. Futbol, üzgüçülük, cüdo, güləş və karate ilə məşğul olan idmançıların bəxti üzlərinə güləcək.
Dolça
Bu həftənin necə olacaqğı Dolçaların özündən daha çox aslıdır. Taleyin sizi nədənsə məhrum etdiyini düşünməməlisiniz. Bu, istəyinizə çatmağın əsas qaydasıdır. Təmkinlilik nümayiş etditdiyiniz halda, böyük bir mükafatla təltif olunacağınız gün kimi aydındır. Bu həftənin qabaqcılları kimi də dəyərləndirilirsiniz. Sadəcə, səbirli olmalısınız. Cüdo, basketbol, tennis, sambo, həndbol və voleybolçular üçün yaxşı başlanğıc olacaq.
Balıqlar
Həftə ərzində Balıqlar üçün yaxınlarını, dostlarını və həmkarlarını tənqid etməkdən çəkinmələri daha yaxşıdır. Bu cür yanaşma güclü münaqişələrə səbəb ola bilər. Həmçinin, planlara daxil olmayan heç bir iş görməməlisiniz. Bu iki şərt yerinə yetirilərsə, o zaman həftə istisnasız olaraq bütün sahələrdə məhsuldar, əyləncəli, parlaq və uğurlarla dolu olmalacaq. Atçılıq, qaçış, üzgüçülük, otüstü hokkey, voleybol və güləş növlərində uğurlar gözləniləndir.
İdman.biz
