İdman.biz
Bəhreyndə Gimnaziadanın təşkilatçıları iştirakçılar üçün Mədəniyyət Günü keçirəcəklər.
İdman.biz xəbər verir ki, tədbir bazar günü oktyabrın 27-də olacaq.
Həmin gün yarışlar keçirilməyəcək və istirahət günü yalnız mədəni proqrama həsr olunacaq. Nümayəndə heyətləri üçün Bəhreynin görməli yerlərinə ekskursiyalar təşkil olunacaq.
Proqramın axşam hissəsində, necə deyərlər, "Millətlər Gecəsi" nəzərdə tutulub. Hər nümayəndə heyəti iştirakçıları öz ölkələrinin mədəniyyəti ilə tanış edəcək.
Qeyd edək ki, Gimnaziadada 160 azərbaycanlı idmançı mübarizə aparır.
İdman.biz
