İdman.biz
Bəhreynin paytaxtı Manamada keçirilən Gimnaziada İdman Oyunlarında iştirak edən Azərbaycan millisi Vətənə qayıdıb.
İdman.biz xəbər verir ki, onları Heydər Əliyev Beynəlxalq Aeroportunda media mənsubları, azarkeşlər və idmançıların yaxınları qarşılayıblar.
Azərbaycan idmançıları Gimnaziadada bədii, idman və aerobika gimnastikası, boks, cüdo, güləş, taekvondo, kamandan oxatma, üzgüçülük, paraüzgüçülük, paracüdo, badminton, qılıncoynatma, şahmat, tennis və stolüstü tennis növlərində 160 idmançı ilə təmsil olunub.
Ölkəmiz yarışlarda 26-sı qızıl, 26-sı gümüş və 29-u bürünc olmaqla ümumilikdə 81 medal qazanıb.
İdman.biz
