Lent.az
"Sabah bizim üçün çox vacib oyundur".
Lent.az xəbər verir ki, bu sözləri "Qarabağ" klubunun baş məşqçisi Qurban Qurbanov UEFA Çempionlar Liqasının play-off mərhələsində "Dinamo Zaqreb" klubu ilə baş tutacaq oyundan əvvəl keçirilən mətbuat konfransında deyib.
"Geridə olsaq da, Çempionlar Liqasında mərhələ adlamaq üçün sabah şansımız var. Komandada hər şey qaydasındadır. İnamımız böyükdür. Qalibiyyət üçün sabah əlimizdən gələni edəcəyik. Rəqibimizi tanıyırıq. Onların üstünlüyü bizdən çoxdur. Amma hər bir halda futbolçularıma güvənirəm. Sabah yaxşı nəticə əldə etmək üçün onlar da əllərindən gələni edəcəklər".
