Lent.az
Lorans Furne-Bodri ilə buz rəqsində yarışan kanadalı fiqurlu konkisürən Nikolay Sörensen "seksual zorakılığa" görə yarışdan kənarlaşdırılıb.
Lent.az xarici mediaya istinadla bildirir ki, amerikalı jurnalist Kristin Brenanın məlumatına görə, apellyasiya şikayətinə etiraz edilməyən qərar idmanda sui-istifadəyə qarşı Kanada təşkilatı tərəfindən qəbul edilib.
"Kanadalı Olimpiya buz rəqsi nümayəndəsi Nikolay Sörensen cinsi təcavüzə görə ən azı çıxışı altı il müddətinə qadağan edilib", Brenanın "Twitter"dəki paylaşımında deyilir.
35 yaşlı idmançıya qarşı ittihamlar bu ilin yanvarında daxil olub. Hadisə 2012-ci il aprelin 21-də Konnektikutda baş verib. Fiqurlu konkisürən və hazırda məşqçi olan zərərçəkən tərəfin o zaman 22 yaşı var idi.
Furne-Bodri və Sörensen 2022-ci il Olimpiya Oyunlarında iştirak edərək doqquzuncu yeri tutublar. 2024-cü il Dünya Çempionatında rəqs dueti də 9-cu yeri tutub, 2024-cü ildə isə Dörd Qitə Çempionatında gümüş medal qazanıb.
