İdman.biz
"Bəhreynə böyük ümidlərlə gedirik"
İdman.biz-in məlumatına görə, bunu Azərbaycanın Gimnaziadakı nümayəndə heyətinin rəhbəri Elvin Zeynalov deyib.
O qeyd edib ki, oktyabrın 23-31-də Manamada keçiriləcək multiforumda komanda böyük heyətlə təmsil olunacaq.
"Nümayəndə heyətinin sayına görə komandamız Bəhreyndə tərkibinə görə dördüncü, idmançıların sayına görə isə beşinci olacaq. Demək olar ki, bütün növlərdə komandalar on altı yaşlı aparıcı idmançılarla təmsil olunacaq və biz uğurlu çıxışa ümid edirik", - deyə Zeynalov əlavə edib.
Qeyd edək ki, Gimnaziadada Azərbaycanı 160 idmançı təmsil edəcək.
Gimnaziada bütün dünyada tələbələr üçün kiçik Olimpiya Oyunları hesab olunur.
İdman.biz
