Lent.az
Böyük Dəbilqə yarışlarının 6 qat qalibi 56 yaşlı almaniyalı Boris Bekker 33 yaşlı Lilian de Karvalyo Monteyro ilə evlənib.
Lent.az-ın xarici mediaya istinadən məlumatına görə, toy İtaliyada baş tutub. Cütlük 2022-ci ildən görüşür. Siyasi risk mütəxəssisi Lilian və Boris sentyabrın 13-də Genuyaya toydan əvvəl şam yeməyi üçün yaxtaya minərək gəliblər və ertəsi gün 150 qonağın qarşısında nikah bağlayıblar.
Boris Bekker üçün bu evlilik üçüncü olub. İlk dəfə 1993-cü ilin dekabrında evlənib. Onun seçdiyi dizayner Barbara Feltus olub. Cütlüyün iki övladı var - oğulları Noa və Elias. Boris və Barbara 2000-ci ildə, tennisçinin xəyanəti məlum olanda boşanıb.
Bekker tezliklə holland top-model Şarli "Lilli" Kerssenberq ilə münasibət qurmağa başlayıb. 2009-cu ildə Şarli və Boris nişanlandıqlarını elan ediblər və 2010-cu ildə oğulları Amadey dünyaya gəlib. 2018-ci ildə cütlük ayrılıb.
Boris Bekker dünyanın ən uğurlu tennisçilərindən biri idi. 17 yaşında o, ilk Böyük Dəbilqə turniri olan Uimbldonu qazanıb və sonra həmin mövsüm daha beş dəfə əsas turnirlərin qalibi olub. 1991-ci ildə o, dünyanın bir nömrəsi olub və 21-ci əsrin əvvəllərində Beynəlxalq Tennis Şöhrət Zalına seçilib.
