İdman.biz
Dünya ölkələrinin qlobal idman reytinqi açıqlanıb.
İdman.biz xəbər verir ki, cədvəldə 2024-cü ilin arxada qalan hissəsində baş tutan nüfuzlu yarışların nəticələri əks olunub.
Azərbaycan dünya ölkələri arasında 51-cidir. İdmançılarımız bu il 204 xal toplayıb.
Bu xallar 8 növdə əldə olunan uğurlar hesabına mümkün olub. Cüdo yığmamız daha çox – 65 xal əldə edib.
Boksda 32, sərbəst güləşdə 28, yunan-Roma güləşində 25, taekvondoda 24, basketbolun 3x3 növündə 18, bədii gimnastikada 8, atletikada 4 xal qazanılıb. Azərbaycan ümumi siyahıda Finlandiya, Gürcüstan, Bolqarıstan, Kuba, Yamayka kimi ölkələri də qabaqlayıb.
Yığmamız Avropa ölkələri arasında 27-cidir. Kişi idmançılardan ibarət milli 44-cü, qadınlar komandası 68-ci sıradadır.
Qeyd edək ki, 135 ölkənin olduğu siyahıya 6371 xala malik ABŞ başçılıq edir.
İdman.biz
