Idman.biz
Fransalı biatlonçu, dünya çempionu Julia Simon dələduzluğa görə yarışlardan uzaqlaşdırılıb.
İdman.Biz xəbər verir ki, bu barədə Fransa Xizək İdmanı Federasiyasının (FFS) İntizam Komitəsi məlumat yayıb.
O, beşi şərti olmaqla altı ay müddətinə bütün yarışlardan uzaqlaşdırılıb. İdmançının cəzası noyabrın 7-də qüvvəyə minib.
29 yaşlı biatlonçunun 2021-2022-ci illərdə Fransa millisindəki iki komanda yoldaşının bank kartlarını oğurlayaraq onlayn alış-verişdə istifadə etdiyi müəyyən edilib.
Bu səbəbdən o, oktyabr ayında üç aylıq şərti həbs və 15 min avro (29 341 AZN) məbləğində cərimə cəzası alıb.
Qeyd edək ki, Julia Simon estafet yarışlarında 10 qat dünya çempionudur.
