İdman.biz
Bəhreyndə gimnaziada davam edir.
İdman.biz xəbər verir ki, məktəblilər arasında keçirilən yarışın ikinci günündə Azərbaycan idmançıları mübarizəni davam etdirəcəklər.
Onlar cüdo, paracüdo, aerobika, boks, şahmat, taekvondo və qılıncoynatma yarışlarında çıxış edəcəklər.
Gimnaziadanın ilk günündə komandamız 8 medal qazanıb.
Cüdoda Məhəmməd Rüstəmli (55 kq) çempion olub, Anar Quliyev (50 kq) gümüş, Rüstəm Qasımzadə (55 kq), Zeyd Ələsgərov (60 kq), Əli Hümbətov, Fəxri Sahibzadə (hər ikisi 66 kq) və Gülgəz Musayeva (48 kq) bürünc mükafat qazanıblar. Paraüzgüçü Əli Vəliyev də gümüş medala sahib çıxıb.
Qeyd edək ki, gimnaziadada 71 ölkədən məktəblilər iştirak edir. Azərbaycan bu yarışda 16 idman növü üzrə 160 idmançı ilə təmsil olunur.
İdman.biz
