Lent.az
"Barselona"nın cinah oyunçusu Rafinya "Qızıl top"u qazanmaq şansları barədə fikirlərini bölüşüb.
Lent.az arici mediaya istinadla bildirir ki, braziliyalının sözlərinə görə, o, belə şeylər haqqında düşünməməyə və bütün diqqətini komanda nəticələrinə həsr etməyə çalışır.
"Bu barədə düşünməməyə çalışıram. Mövsümün əvvəlində olduğu kimi etmək, nəticəni düşünmək və qarşıma müəyyən məqsəd qoymaq istəyirəm. Bu konsentrasiyanı, bu hədəfi qoruyub saxlamağa çalışıram.
Təbii ki, mənim fərdi məqsədlərim var və onlara nail olmaq istəyirəm. Düzünü desəm, bu mükafat heç vaxt məqsəd olmayıb. Məqsədim qollar, məhsuldar ötürmələr, oynadığım klub və milli komanda üçün kuboklar qazanmaqdır.
Bir klub və ya komanda üçün işlər yaxşı gedəndə, ayrı-ayrı oyunçuların fərqlənməsi başa düşüləndir. Mənim "Qızıl top"un favoritlərindən sayılmağım karyeramda keçirdiyim hər şeydən sonra artıq mənim üçün bir zəfərdir. Hətta favoritlər arasında olmaq da artıq zəfərdir.
Fikrimi buna cəmləməməyə çalışıram, futbol haqqında düşünürəm. "Oyundan oyun, məşqdən sonra məşq", - Rafinya deyib.
