İdman.biz
Noyabrın 2-də Bakıda Azərbaycan Respublikası Atçılıq Federasiyasının (ARAF) təşkilatçılığı ilə yorğa atların ölkə çempionatı keçiriləcək.
İdman.biz xəbər verir ki, Binə Atçılıq Mərkəzinin cıdır meydanında təşkil olunacaq tədbirdə Azərbaycanın müxtəlif bölgələrindən 50-dək yorğa atı öz gücünü sınayacaq.
Çempionatda Azərbaycanın müxtəlif regionlarında doğulan yerli yorğa atları 8 müxtəlif kateqoriyada və məsafədə mübarizə aparacaqlar.
Yorğa çempionatı ilə yanaşı, cıdır mövsümünün bağlanışı ilə əlaqədar əlavə yarışlar da həmin gün keçiriləcək. 4 qaçışdan ibarət yarışlar Qarabağ, Dilbaz və ingilis atlarının iştirakı ilə reallaşacaq. Hər iki tədbirin qaliblərinə diplom, kubok və müxtəlif mükafatlar təqdim olunacaq.
İdman.biz
