İdman.biz
Botsvanada badminton üzrə "Future" seriyalı "Botswana International 2024" turniri keçirilib.
İdman.biz xəbər verir ki, yarışda Azərbaycan millisi 3 qızıl və 3 bürünc medal qazanıb.
Kişi badmintonçuların şəxsi yarışında Diki Pangestu, qoşa yarışda Aqil Qəbilov-Diki Pangestu, qarışıq qoşa kateqoriyasında isə Aqil Qəbilov-Era Maftuha tandemi Afrika və Avropa ölkələrinin idmançılarının iştirak etdiyi beynəlxalq turnirdə qızıl medal qazanıb.
Qarışıq qoşa kateqoriyasında daha bir medalı Cahid Əlhəsənov-Həcər Nuriyeva cütlüyü qazanıb. Yarımfinala kimi irəliləyən badmintonçularımız bürünc medalı təmin edib.
Daha 2 bürünc medal qadın badmintonçuların şəxsi yarışında qazanılıb. Həcər Nuriyeva və Era Maftuha müvafiq kateqoriya üzrə bürünc medala layiq görülüb.
İdman.biz
