Idman.biz
Azərbaycan Kanoe və Avarçəkmə Federasiyası (AKAF) noyabrın 9-da federasiyanın binasında tədbir keçirəcək.
İdman.Biz xəbər verir ki, tədbirdə ötən il COP29 ərəfəsində Bakıda keçirilən "Təmiz suda avar çək" aksiyası çərçivəsində Çinin ən böyük su idmanı təşkilatı "Deep Dive" ilə imzalanmış memorandumun birilliyi qeyd olunacaq.
"Deep Dive" Çinin 13 şəhərində 22 su idmanı mərkəzini idarə edir. Əməkdaşlığın məqsədi Azərbaycanda və Çində avarçəkmə idmanını təbliğ etmək, sağlam həyat tərzini və təmiz su hövzələrinin qorunmasını təşviq etməkdir.
Bundan əlavə, Qlobal Kanal Avarçəkmə Federasiyasının nümayəndələri COP30 tədbiri ilə əlaqədar Bakıdan Braziliyaya yola düşəcək və aksiyanın davamı orada keçiriləcək.
Tədbirdə həmçinin 2025-ci ildə azərbaycanlı avarçəkənlərin yerli və beynəlxalq yarışlarda əldə etdiyi nəticələr təqdim olunacaq. Mətbuat konfransından sonra Bakı və Mingəçevir komandaları Xəzər dənizində nümunəvi çıxışlar edəcəklər.
