İdman.biz
Futbol üzrə idman jurnalistləridən ibarət milli komanda beynəlxalq turnirdə 3-cü olub.
İdman.biz xəbər verir ki, Gürcüstanın Batumi şəhərində məşhur futbol şərhçisi Kote Maxaradzenin xatirəsinə həsr edilmiş idman jurnalistləri arasında 6-cı Beynəlxalq Media Kuboku turniri keçirilib.
8 ölkənin iştirak etdiyi yarışda Azərbaycanı İdman Jurnalistlərindən ibarət yığma təmsil edib. Komandamız Macarıstan, Litva və Moldova yığmalarının yer aldığı A qrupunda iki qələbə qazanaraq yarımfinala vəsiqə əldə edib. Yarımfinalda meydan sahibi Gürcüstan yığması ilə qarşılaşan komandamız yekunda məğlub olaraq turniri 3-cü pillədə tamamlayıb. Komandamızın üzvü Məsim Məsimzadə turnirin ən yaxşı hücumçusu seçilib.
Turnirin qalibi isə Moldova komandası olub.
Qeyd edək ki, səfərin reallaşmasında Azərbaycan Respublikasının Gənclər və İdman Nazirliyinə və Peşakar Futbol Liqasına (PFL) dəstək göstərib.
İdman.biz
