İdman.biz
Azərbaycanlı bodibildinqçi Aşur Abdullayev Dünya kuboku seriyasının qalibi olub.
İdman.biz xəbər verir ki, o, İspaniyanın Santa-Susanna şəhərində keçirilən reytinq turnirində fərqlənib.
Abdullayev Men"s physique (çimərlik bodibildinqi) yarışında bütün rəqiblərini qabaqlayaraq fəxri kürsüdə yer alıb. Təmsilçimiz may ayında Santa-Susannada keçirilən Avropa çemponatında gənclərin mübarizəsində çempion tituluna sahib çıxıb.
Dünya kubokunda Azərbaycan yığmasının daha bir üzvü Elnur Allahyarov (bodibildinq) mütləq çempion olub. Kamil Əliyev yarışda (Men"s physique) gümüş, Vüqar Verdiyev (bodibildinq) və Seynur Əliyev (klassik bodibildinq) isə bürüncə sevinib.
İdman.biz
