Lent.az
Antonio Konte "Çelsi"yə qayıda bilər.
Lent.az bildirir ki, bu barədə "La Repubblica" məlumat yayıb.
Mənbənin məlumatına görə, klub 2016-2018-ci illərdə komandaya rəhbərlik etmiş italiyalı mütəxəssislə artıq əlaqə saxlayıb. Qeyd olunur ki, ilk təmaslar məhsuldar kimi səciyyələnir.
London klubunun ortaq sahibi Todd Bouli Konte üçün yaxşı maliyyə şəraiti yaratmağa hazırdır.
54 yaşlı məşqçinin son iş yeri 2023-cü ilin martında tərk etdiyi "Tottenhem" olub.
Hazırda Maurisio Poçettinonun rəhbərliyi altında "Çelsi" Premyer Liqanın turnir cədvəlində 8-ci yerdədir.
