Lent.az
"Real Madrid"in baş məşqçisi Karlo Ançelotti hansı klubu dünyanın ən yaxşısı hesab etdiyini açıqlayıb.
Lent.az xarici mediaya istinadla xəbər verir ki, mütəxəssis bu barədə mediaya açıqlamasında bildirib:
"Milan kimi böyük klubu çalışdırmaq mənə qismət olub, onlara xüsusi bağlılığım var, çünki mən də oyunçu idim. Amma Real Madrid dünyanın ən yaxşı klubudur, buna şübhə yoxdur. Burada bu qədər oyuna davam etmək az qala möcüzədir!".
Ançelotti bundan əvvəl "Parma", "Yuventus", "Milan", PSJ, "Çelsi", "Bavariya", "Napoli" və "Everton"a rəhbərlik edib. Ançelottinin "Real"la müqaviləsi 2026-cı ilə qədərdir.
