Qol.az
Leverkuzen "Bayer"inin baş məşqçisi Xabi Alonso öz gələcəyi haqda danışıb.
QOL.az Almaniya mətbuatına istinadən xəbər verir ki, o, bununla bağlı deyib:
"Başa düşürəm ki, "Bayer" tez qərar istəyir. Qərar vermək lazım olanda, biz tam dəqiqik. Mənim üçün işdə bu cür güvənin olması həmişə vacib olub və belə də qalır. Öz gələcəyim haqda qərar verməklə bağlı heç bir təzyiq hiss etmirəm. Vəziyyət aydındır. Hər şeyin öz vaxtı var və indi bu haqda danışmaq çox tezdir. Ona görə gözləməliyik".
Qeyd edək ki, daha öncə mətbuatda Xabi Alonsonun "Real"a keçəcəyi ilə bağlı xəbərlər yayılmışdı. İspaniyalı mütəxəssisin Leverkuzen təmsilçisi ilə müqaviləsi 2026-cı ilin yayına qədərdir.
